राज्यस्तरीय नवोपक्रम स्पर्धा साठी अहवाल लेखन कसे करावे ?

राज्यस्तरीय नवोपक्रम स्पर्धा साठी अहवाल लेखन कसे करावे ?

राज्यातील नवोपक्रमशील शिक्षक व अधिकारी विद्यार्थ्यांच्या अध्यापनात नवनवीन उपक्रम तसेच कल्पनांचा वापर असतात. प्रत्येक विध्यार्थी प्रगत होण्यासाठी शिक्षक व अधिकारी प्रयत्न करीत आहेत. त्यांनी राबविलेल्या नाविन्यपूर्ण उपक्रमाची माहिती राज्यातील शिक्षण क्षेत्रातील सर्व घटकांना व्हावी तसेच सर्वच स्तरातील शिक्षक व अधिकारी यांच्या नवोपक्रमशीलतेला व सृजनशीलतेला प्रोत्साहन देण्यासाठी राज्य शैक्षणिक संशोधन व प्रशिक्षण परिषद, महाराष्ट्र, पुणे मार्फत दरवर्षी  राज्यस्तरीय नवोपक्रम स्पर्धा आयोजित करण्यात येत असतात . सृजनात्मक कार्याची आवड असणाऱ्या नवोपक्रमशील शिक्षक व अधिकाऱ्यांनी या स्पर्धेत भाग घ्यावा.

राज्य शैक्षणिक संशोधन व प्रशिक्षण परिषद, महाराष्ट्र, पुणे यांनी दिलेल्या पत्रातील सूचनेनुसार पुढील मुद्द्याच्या आधारे नवोपक्रम लेखन करावे. संदर्भ पत्र  दिनांक २१ ऑक्टोबर२०२१

  नवोपक्रम अहवाल लेखन मुद्दे-
नवोपक्रम अहवाल लेखन पुढील मुद्यांच्या आधारे करावे
१-नवोपक्रमाचे शीर्षक - उपक्रमाचे नेमके नाव लिहावे

२-नवोपक्रमाची गरज व महत्त्व - उपक्रम निवडण्याचे कारण, उपक्रमाचे वेगळेपण, उपयुक्तता चा तपशील

३-नवोपक्रमाची उद्दिष्टे - हा उपक्रम मी का करतो आहे, उपक्रमाचा फायदा कोणाला? कसा,कोणत्या स्वरुपात, कोणत्या कृतीमुळे होणार? या उपक्रमातून काय व कोणासाठी साध्य होणार,याबाबत ३ ते ५ विधानात्मक उद्दिष्टे मांडावीत

४-नवोपक्रमाचे नियोजन -
i-उपक्रमपूर्व स्थितीचे निरीक्षण
ii- संबंधित व्यक्तींशी, तज्ज्ञांशी चर्चा
iii- आवश्यक साधनांचा विचार
iv- करावयाच्या कृतींचा क्रम
v- उपक्रमोत्तर स्थितीचे निरीक्षण
vi- कार्यवाहीचे टप्पे- वेळापत्रक
vi-उपक्रमासाठी इतरांची मदत
viii- उपक्रमासाठी सादर करावयाचे पुरावे

५-नवोपक्रमाची कार्यपद्धती -
I- पूर्वस्थितीची निरीक्षणे व त्यांच्या नोंदी
II- कार्यवाहीदरम्यान निरीक्षणे व माहिती संकलन
III- उपक्रम पूर्ण झाल्यावर निरीक्षणे व त्यांच्या नोंदी
IV- कार्यवाहीत आलेल्या अडचणी
V- माहितीचे विश्लेषण : आलेख, तक्ते -आवश्यक वाटल्यास

६-नवोपक्रमाची यशस्विता / फलनिष्पत्ती –उद्दिष्टानुसार- या उपक्रमातून कोणासाठी व काय सध्या झाले, याबाबतची मांडणी यात करावी उद्दिष्टनिहाय फलश्रुती लिहावी आवश्यकता वाटल्यास त्याकरिता शेकडेवारी व आलेखाचा वापर करता येईल अन्यथा वर्णनात्मक विधाने करावी त्याचप्रमाणे आपण उपक्रमांतर्गत केलेल्या विविध कृतींची फलश्रुती मांडावी
 ७-समारोप - आपली अस्वस्थता उपक्रमानंतर कशी दूर झाली व उपक्रमाचा उपयोग गुणवत्ता वाढीकरिता कसा झाला, हे विशद करावे
८-संदर्भसूची व परिशिष्टे - नवोपक्रम करताना ज्या संदर्भग्रंथांचा वापर केला, त्यांची सूची द्यावी तसेच सहभागी वर्गातील विद्यार्थी व आवश्यकता असल्यास त्यांच्यासाठी तयार केलेली पूर्वचाचणी, उत्तर चाचणी, प्रश्नावली इत्यादी जे असेल ते परिशिष्टामध्ये जोडावे 

राज्यस्तरीय नवोपक्रम स्पर्धा प्रसिद्धीपत्रक 2019-20   CLICK HERE

राज्यस्तरीय नवोपक्रम स्पर्धा माहितीपत्रक 2021-22  CLICK HERE

नवोपक्रम म्हणजे काय ?   नवोपक्रमाचे विषय    CLICK HERE